本日購物

<--法國版江湖告急

今日老竇老母去D乜野春茗，三點幾鐘有幸約到PatPat姐食dinner，又咁o岩公司冇野做，5點鐘走得！咁早，又未食得飯，就去買左諗左好耐既DVD啦。

上年每個星期學日文個陣成日都會去呢間AV Super度睇碟，但個陣未有Perm Job，唔敢亂洗錢，今次知道買滿$100有VIP Card，咁就盡情D啦。

第一目標係殺破狼，呢套戲想睇好耐，但係呢邊又冇得上，跟住有新D既怪物、長恨歌、如果?愛、口碑唔錯既神經俠侶，同埋可可西里。跟住係我近年既香港最愛導演彭浩翔既AV，杜韋游(杜琪峰、韋家輝、游乃海)時代既暗花同埋法國版既香港Cult片江湖救急。 最後見到江湖告急同埋怪物有買一送一貼紙，又竟然見到Reservoir Dog同埋Bad Education係買一送一之列！梗係「立」啦。買滿一舊又有VIP Card，跟住多口問個姐姐點解2套名片都要買一送一，佢又答得好得體，話想益街坊，好~~~做生意係咁先得既，臨走仲送多隻CD畀我添(台灣中國雜錦歌，免費野，唔好要求咁多啦！)。

我諗我應該會繼續係個度尋寶，搵彭浩翔既大丈夫、公主復仇記同埋買兇拍人，同埋可能買返D舊片。