Saturday, February 18, 2006

印度遊記 (序) - 準備充足......但冇機票?!

係Tower做野個陣識左Baneesha。個陣我已經知佢就黎結婚,不過估唔到佢會叫我地去印度睇佢既婚禮。我心諗,去印度睇一個印度式既4日婚禮,真係機會難逢,所以就算我新工開左冇耐,我都決定拎一個星期去。

事前既準備係免不了架喇,首先要申請 Visa,新年假個陣我要幫Brisbane做一個Job,所以就人人放假個陣我就返工,而我亦趁呢個冇人睇住我既機會朝早了左出去申請呢個Visa,不過一個星期後拎返返黎個陣佢地攪錯左我個名,攪到又要走返上去一轉攪返掂。

期次就係打針,有乙型肝炎啦,傷寒啦同埋霍亂,畢竟印度係發展中國家,衛生環境欠佳,呢樣野我又係係個個冇人睇住既星期晏晝做晒野早D走去打針,打左兩支,仲有一支要隔一個月再打,我心諗仲有一個月先出發,冇問題丫。

唔少得既係換印度盧比、旅行保險、攪Roaming service,呢樣野交錢填Form交表打電話就攪掂,冇意外。

去印度點會唔少得準備機票丫?呢樣野我托Baneesha幫我訂,佢同成班去既澳洲朋友訂機票,所以會平D,我本來諗住1月28號星期六上機,Baneesha係之前個個星期五用express post寄機票比我地,我地諗住星期一收到丫,哈,點知我星期一就真係收唔到。打畀同事Jay但佢就收到,我決定等多一日,星期二都係冇。

開始有D急喇,因為Baneesha為左籌備婚禮已經去左印度,我只可以用SMS同佢聯絡。星期三個日就打畀個旅行社叫佢地幫我Reissue一張,當之前個張唔見左,或者我晏晝先打去啦,佢地既意思係想叫我星期五(星期四澳洲國慶,係Public Holiday)先攪,既然旅行社咁講我就咁聽啦。

星期五都係冇收到機票,旅行社亦都開始郁手幫我Reissue Ticket,問題黎喇:我第一程由Sydney去Singapore係坐Gulf Air,係一間Base on 中東既航空公司,佢地星期五等於我地既星期日,係唔返工既,所以要等到下星期一我先可以有一張Valid 既Ticket!所以星期五晏晝我就不斷打電話同打SMS,個陣諗可能星期一先可以起行......

(未完,下回繼續)

0 Comments:

Post a Comment

<< Home