香港電影頒獎禮

作為一個電影愛好者，獎就頒完喇，總有D野講既

基本上大獎就真係好易估，黑社會真係完全冇對手，男主角黎講梁家輝總比演極都係木口木面既任達華好，女主角唔多識評，因為只睇過如果?愛，但我對愛情片一向都唔係咁敏感。

全晚最令人詫異既係周杰倫同黃秋生！
周杰倫.....係度扮渣車ja喎？全無演技可言
黃秋生唔係話唔好戲，不過呢套佢就造作左D，我就鍾意智叔喇。

另外嘛，一向我都唔鍾意睇頒獎禮，因為D人真係唔識講野既，你唔識講野咪夾下囉，做下準備囉，唔做準備個D就真係仆街黎既。
有D就有準備，不過就係低能地攪gag，只係識串人、講人地私生活。
八婆吳君如就不知所謂，你而家唔係做你個低能電台節目呀，你而家出緊大場面架，檢點D啦。

唯一出到大場面既咪劉德華同DoDo姐囉，同埋....蔡琴。
你諗下，佢地都係40幾50，而家D後生真係冇個掂，真係香港社會既倒影。