23年前的今天

話說今日晏晝出左去HMV行，見到有Top Gun Sound Track都係賣$11，所以就即刻買左返黎。返到屋企，唔知點解突然諗起Top Gun既Producer Jerry Bruckheimer都有份製作另一部我好鍾意既潛艇片Crimson Tide，心血來潮之下就去wiki搵下Crimson Tide呢套戲。

原來Crimson Tide呢部戲既靈感係base on 古巴導彈危機其中一隻蘇聯潛艇既事(當然真人就冇咁戲劇化啦)，而更重要既就係世界歷史上多次發生呢D危機一觸即發既事件，其中一件就係呢件：

http://en.wikipedia.org/wiki/Stanislav_Petrov

Petrov係23年前既9月26日係一個莫斯科附近既Bunker監視緊衛星雷達，當時冷戰關係緊張，而Petrov發現左衛星報告美國向蘇聯發射左一支導彈，但係Petrov亦都知道呢個衛星雷達並唔係可靠，佢既直覺話畀佢聽呢個係誤報，因為假如真係美國侵略蘇聯，點會射一支導彈咁少？所以佢冇報告上級。

但跟住衛星報告有第二支，第三支導彈向蘇聯發射，Petrov當陣既兩難情況就係假如報告上級而呢個係誤報既話，核子大戰就會發生；但假如情報係真既話而佢就唔出聲既話，蘇聯當時反應就會太遲而佢就會失職。

佢當陣明白到假如情報係真既話，佢將會係第一批係核子大戰犧牲既人，失唔失職已經唔係咩大事，所以佢決定信佢既直覺：呢個係誤報。

隨後證明左佢係o岩，而我就有命係23年後既今日湊巧睇到關於佢既事績。

認同

平時我就瘋瘋癲癲，口沒遮攔，所以我正經個陣講既野多數冇人理。

好彩，上網寫既野冇人知我平時係點，會純以寫野既質素黎睇。
或者呢個就係我需要既認同啦。

繼上次Tsotsi之後再一次畀人睇得起我寫既野，或者以後應該認真咁寫，發少D勞騷。

----------------------------------------------------------------------------------
Dear Edwin：

你好，本人是星島日報「每日雜誌」版的採訪主任趙燕萍，誠徵貴 Blog一篇題為「FANTUS的廁所哲學 - 人數與談話內容定律 」的文章，刊於本版「每日一Blog」欄目內，並會列明Blog 名及Link，如蒙答允，請回覆電郵至mailto:dailymag@singtao.com。如有問題，可致電2798 2555跟本人聯絡。

感謝你的幫忙。

星島
趙燕萍

----------------------------------------------------------------------------------

要走了(3)

看星座書說雙子座的守護星是水星，而水星代表知性，會比其他星座的人愛學習新事物。

在這一方面是絕對講中的，我有很多的興趣：攝影、看電影、聽新的音樂、到博物館去走走、看書等等。

我以為興趣廣泛有助擴大朋友圈子，但原來在這裡這是行不通的。

香港人一直眼光狹窄，而我在這裡的就更加是狹窄中的狹窄：他們只懂上班、掙錢、讀書考試(沒有錯，是專業試)，有空的話就是shopping，唱K，看香港電視劇，出來見面講的大多是廢話，沒有深度的說話，我從來未看過他們當中有insight的說話，受了幾年的大專教育，每位都是希望做專業人士的人，竟然說的話與一個15、16歲的「花靚ken」是差不多的，可悲不可悲？

和他們說些比較認真的話，他們就反白眼、恥笑你花時間在無用的東西上、或者表現一種「唔關我事」的態度，要怎樣才能溝通呢？

莫非我要好像他們一樣，不自量力地考一個自己應付不來的試，然後和他們每天就是談這個試有多難、自己準備有多不充足？還是說與他們談談考美國試容易一些，就或者比較那個試慳錢一點？

不夠膽肯定我可不可以在香港遇上一些興趣廣泛的朋友，但至少我認識某些朋友有比較廣闊的眼界。

要走了(2)

自己知道自己遺傳左老竇既「忠忠直直，終需乞食」精神，一直對錢唔係咁在乎。

可惜係澳洲呢邊既so call 朋友都係對錢睇得很重。

為左一個「海鮮豆腐煲」要講一個大話去呃人？
出黎食飯就樣樣計住幾多錢，食得唔盡興。
一方面係3個月入面買名牌袋同銀包畀女朋友但就話冇錢食飯。

唔差在講埋前女友做傳銷。
你作為一個Investment的專業人士，卻叫人去投資一D完全冇價值既So call 營養食品，為既其實係自己既下線。
其他人仲衰，見到咁樣唔出聲，不聞不問，同佢地講事件係關乎專業人士既聲譽問題，佢地完全唔明，覺得佢地自己唔玩，冇蝕錢就唔係問題。
究竟係我太固執定係你地缺乏一D讀書人，又或者係專業人士既情操？

究竟Ethics重要D定係錢重要D？

要走了

昨天受Tax Partner的邀請，整個下午都在Cafe Sydney用餐，事緣我參與的某個投標計劃，Client成功投中了，Tax partner為慶祝所以請了我們去午膳。

幾個星期前為了Nikko的Project Impreza忙碌。Nikko是與Macquarie Bank關係頗密切的投資公司，他們想收購一個租用汽車的公司。

我的任務是協助Tax department去計算關於這個業務未來幾年的Depreciation，因為這是一個擁有大規模車隊的公司，在最初的幾年會有相當多的Tax shelter(因Tax depreciation多數比accounting depreciation快)，這就影響了這個投資的Tax liability，是對Bid價影響很大的一個因素。

Technical細節不打算講，可以講的是Tax partners們所擅長的是解讀Tax legislation，解讀了並不表示他們能有效地在Excel裡Model這個計算，我的參與就是彌補他們的不足。

在2個星期裡，我有幾次到Macquarie Bank去解釋我所做的部份，但畢竟用英文去做Presentation並不是我擅長的領域，我自覺我顯示不到我應該有的信心。

說回昨天，我基本上很少說話，因為我是不太懂得去應付一些「大人物」，我本以為是一個大的慶祝會，最少也應該有20-30人吧，但原來只係一個9個人的聚會，其中4個Tax Partner，1個Tax Principal，1個律師與他的助手，與及2個Analyst (其中一個是我)。另外一個Analyst是在Tax Department做事，所以大部份人她都熟悉。我就一方面對新人新環境需要長點的時間去適應，另一方面，我的英語不能與人作一個閒談，談公事我是沒有問題的，但對於一個General discussion就感到冇能為力，我不懂英文俗語、不懂講笑、不理澳洲事、是完全沒有插咀的地方。我自己不能想像自己在未來的幾年內要出席多少這些場合，但我知道我是沒可能在短時間內適應。

即使其中一個Tax partner大讚我的表現，但我是一定要走的了，或者在下年6月吧。