朋友與她的男朋友分手了

最近要處理一D事，朋友同佢既日本藉男朋友熱戀繼而定婚，同最近出問題，要分手差不多是一年的時間。

佢既朋友都唔贊成佢繼續同呢個男朋友交往，畢竟相識尚淺，文化習慣思想都唔同，我就反其道而行，鼓勵佢繼續維繫呢段感情，可惜最後都係冇疾而終。

而家睇返轉頭，究竟我係咪畀左一D唔應該既建議佢呢？我係咪晒左人既時間？

我自己既理性上是話呢段感情不長久，但我感性上希望見到佢堅持，畢竟呢個年頭，認真對待感情真係唔多。

當然，冇可避免地，又係理性嬴左。

感情係咁反覆無常的嘛？

月黑高飛 - Shawshank Redemption

終於有機會將呢套好片租黎睇，一個勵志既逃獄故事。 我自己覺得我係有緣咁租到呢套戲，上個星期去左iMDB睇到頭個幾位既電影我都差唔多睇過，係呢套Shawshank Redemption係完全唔知係咩戲。雖則久聞中文譯名月黑高飛既大名，但係你又點諗到個英文名係咁唔知頭唔知路丫？

我能夠明白呢套戲點解咁多人鍾意，但係唔多係我鍾意既片種，雖則我會強烈推介畀D最近有困難既朋友。

2位主角既演出都非常好，Tim Robbins就有一種好似好多秘密既表情，而摩根費曼就唔洗講啦，由最初冇希望直到最後見到老友笑笑口咁，睇到真係好令人興奮。

另外要講講既就係呢套片既基督教Symbolism，主角身處既監獄首先就已經係最好既提示，係電影入面，只係交待出主角係清白既，其他人都係有罪之身；主角第一次令其他監犯信服就係佢令到獄卒請監犯飲啤酒，同耶穌身一個神蹟將水變酒係好相似既；逃獄當然就係一個救贖既過程(電影英文名已經話到明係一個救贖既過程)，所以呢套片係外國咁受歡迎係有道理既。

星期日走過JB，又入左D貨：Citizeb Kane，Crimson Tide，Cassablanca，Goodfellas同埋呢一套Shawshank Redemption，我要繼續我既電影研究同收藏！

李克勤 - 情比紙薄

李克勤又有新碟，但係暫時得一首歌o岩聽。

李克勤 - 情比紙薄
曲：王菀之
詞：林夕

你試過 肯捐款 肯賑災
若你這愛尚存在 為何大家後來不肯再次貢獻恩愛
同時望著電視中的怒海 最好的情人 竟然不瞅睬
懷疑現在若是我摔了下來 仍未得到慷慨

人情就算薄到透 非有仇
情義何以卻捐給 你的好友
假若疏淡內疚 你我都不要內鬥
唯願你念在從前 不分手
人情薄到被看透 便維修
長期付出那麼多 哪只好友
火花縱非萬有但半滴情誼 還有沒有

為何道義願付出給怒海對於眼前人 不留多一載
和談或是道別要怎過未來無謂再去避開

人情就算薄到透 非有仇
情義何以卻捐給 你的好友
假若疏淡內疚 你我都不要內鬥
唯願你念在從前 不分手

人情薄到被看透 便維修
長期付出那麼多 哪止好友
請給個機會我 互相補救

人情就算薄到透 非有仇
情義何以卻捐給 你的好友
假若疏淡內疚 你我都不要內鬥
唯願你念在從前 不分手
一張紙縱望到透 沒恆久
情人莫非要分手也因折舊

因早晚都共處 便厭倦回頭純粹莫須有