紫微斗數

話說係上年年尾開始研究紫微斗數。

當初係以玩既性質黎研究既，我可以見到自己同朋友有一條咩既命，幾時有桃花，性格係點咁，雖然係玩，但係我都可以搵一D significant既event黎用紫微斗數黎解釋，雖然我知道係唔scientific，同埋係有D事後孔明既味道，所以唔係太在意，直到遇上以下既事例。

朋友A畀左佢既出世時辰畀我，叫我幫佢睇睇，我研究了一晚，大概知道係咩事，不過當我一睇佢既父母宮既時候，佢話：

有繼母或父親有偏室，或多外遇......

我同A識左成年，都冇聽佢講過佢屋企既事，我學左紫微斗數都冇一個月，實在唔夠膽咁同佢講，所以個次冇將呢一段放係心入面。另外睇到既係佢有2個兄弟，都幾照顧佢既，我又係唔多記得佢提過佢有兄弟，所以亦冇放係心入面。

到我見佢個陣，佢問我睇唔睇到關於佢出世既事，我話冇乜特別丫(因為已經唔記得左)，只係話佢有2個哥哥。

佢的確有2個哥哥，不過就冇血緣關係，因為原來佢係被人領養既！所以話有繼母係真既！我返屋企睇返書先醒起，亦令我明白到原來紫微斗數係真係有D料到......