守規矩

我係一個好守規矩既人。

我唔會係上堂傾計、返工唔講私人電話、過馬路等綠燈、唔同有男朋友既女仔出街、同女仔合照唔搭人膊頭......

※※※※※※※※※※※※※※※※※※※※※※※※

規矩既成立為用黎防止某D人既行為影響到其他人。
但係我地從來唔會見有以下既規矩：

唔准用頭撼埋牆
唔准用玻璃樽爆自己個頭
唔准周街派錢
唔准將自己個ipod校到好大聲

※※※※※※※※※※※※※※※※※※※※※※※※

以上既規則唔出現，因為以上所講既行為係自殘既一類。
世界上冇乜人想去自殘，但就大部份人都自私。
自私既人為左私利而傷害其他人，從而獲得利益。

※※※※※※※※※※※※※※※※※※※※※※※※

規則有2種，成文同埋唔成文既。
成文既規則就係唔准殺人、搶野之類，呢類事做左會有實質代價要付出。
唔成文既規則例如要遵守同朋友間既諾言、撬人牆腳、出賣之類，犯左呢D罪係唔需要付出代價，至多畀人唱，畀人話

※※※※※※※※※※※※※※※※※※※※※※※※

守規則既人不斷地受到唔受規則既人既剝削，假如係一D成文既規則就尚好，可以以法律黎申冤。
但假如犯既係一D唔成文既規則你又可以點？法律幫你唔到。唱衰人？報復？但係社會上其中一個規則係Be Nice！以德報怨！寬恕人70個7 次！畀人打左邊面既話畀埋右邊面佢打！

你要做守規矩既人你就要甘心地被人剝削，之後仲要笑笑口同人講：拿，下次唔好喇！

※※※※※※※※※※※※※※※※※※※※※※※※
守規矩既人係註定唔開心既。