上海初探(上)

五光十色既上海，可能就係將來要住既地方。

新工開左唔夠一個月就出差喇，見到幾個同事，有同行既多野講樂觀老闆Bill，成日將D頭髮Jel到最後既馬來西亞藉CFO Stanley，鬼佬識講國語律師Julian，同埋成日笑笑口既中國代表Joe。

我當然係年紀最細既一個，經驗最淺既一個，最正經既一個，我既孤離感又返返黎：

當成班人係酒店房度怒抽紅雙喜牌國產煙個陣，我吸住D二手煙喉頭乾旱，睇住D煙圈升下升下，總覺得自己唔多屬於呢度。

又或者當Julian一個星期分別帶左2條女返酒店個陣，同埋當Joe提議去夜總會既時侯，我都會覺得呢度太過五顏六色，唔多襯我鍾意既黑色。

唔通真係要應天月星之說─跟風跟大隊跟潮流？