上海初探(結局)

之前既故事係星期二發生既事。

星期四，5-6點就做完手上既野，夜晚做咩好呢？
就決定返返去衡山路搵呀Katrina姐。

到達既時候係10點，我入到去隻眼掃左成個場一下，小貓3,4姐，不過唔見Katrina。去到吧台叫左支喜力，唔知點解個老闆娘用左一種好奇異既眼光望左我好耐。

自己放低左一陣，突然有另一拳手走埋黎同我講「Katrina今晚不在」。我倒覺得奇怪，因為Katrina曾經話話佢每晚都要返工，不過既然佢唔係度，就同呢位拳手傾幾句啦。呢位拳手X(太耐喇，唔記得咩名)比較似一個proper既拳手，講野有保留，唔會咩都抖晒出黎，我飲左2支喜力後，見到X忙於睇住另一台既顧客，就諗住走啦。X見狀，送我出去門口，話「Katrina會有一段時間不會回來的了」，我追問原因，X冇答我，自己走返入去Bar入面。

是夜無話。

星期六，出左去靜安睇樓，返到酒店係下晝6點幾，決定打去katrina睇下可唔可以出黎見下。

打通左，Katrina知道係我之後，好唔開心咁講左D我聽唔明既野(畢竟我仍然係一個扮講英文既仆街，佢當然用英文同我講)，之後就收左線。我再打幾次，佢都冇聽。

我實在唔知道發生左咩事。

###########################################

突然諗起酒吧老闆娘既眼神。

個種由頭掃到你落腳檢視你既眼神。

或者狼相一早已經敗露。

###########################################

當人解決左飢餓、疾病、居住等問題後，人面對既最大敵人係空虛。
時間太多，人就會諗一D方法去消磨時間。

我唔係一個習慣去酒吧既人，更加唔會撩女仔，不過當時間一多，禁忌就會破解。

而家要係呢個城市定居，會有幾多既禁忌會破解呢？