影評 - 買兇拍人

係星期五去唱K之前買既DVD，係彭浩翔第一套大片，個劇本叫寫得唔錯，不過後面有D拖得耐左既感覺，劇中好多綠葉扶持，佢地都交足戲，反而主角之一既張達明......或者我有偏見啦(由鬚根Show開始)，始終覺得佢做黎做去都係個個樣。

內容唔多講喇，反而想寫下關於呢D DVD既特別輯錄，就係谷德昭同埋彭浩翔評論返自己套戲，呢樣野好多外國DVD都有，今次我係第一次見香港片咁做，而內容仍都係有料到，例如頭個shot係抄獨行殺手，有幕車尾箱係抄馬田史高西斯咁樣，不過我倒想講下呢2個電影人對香港觀眾既睇法。

係成個過程中，2位都不斷有挖苦香港觀眾既對白，例如佢地話有一位剪接師(定導演？)，非常老資格，話一套戲既頭個15分鐘唔好剪得咁靚，劇情唔好去得太快，因為D人都未坐定。又例如有一幕講話參考獨行殺手，佢地講完之後會話「不過香港既觀眾都唔理架喇」，又或者最後最後，佢地會話「假如你買呢隻DVD，睇完套戲一次，仲花成個半鐘睇呢個對話既話呢，你都對電影好有興趣架喇」等等，都係表達左佢地對香港觀眾個種不滿，佢地覺得有時係某一個情節既安排、場面調度、又或者係同前輩致敬既行為，通通係香港觀眾眼中都係不值一文。有時我成日係度鬧d香港人，我都以為係自己偏見，今次又再一次咁通過2個行內人，親身證明我並無偏見。