Our Time Has Come

我最鍾意既何韻詩又出碟喇，今次既碟名係《Our Time Has Come》，我第一次開始聽，又已經可以Pick Up 3隻正歌：願我可以學會放低你，夜半敲門，圓滿。其中以夜半敲門最為突出，Wyman今次再以死亡為主題，以一次死亡既虛驚黎帶出一對情侶既滿足，係聽到可以有感動既歌：

難逃過這一關　仍然未覺孤單　
這份愛　沒法　被離間　
何曾怕沒法歸來　只怕你不慣　
明瞭哪有得揀　誰人何時病了　一睡不返
但我們　做得到　互愛直到　身體變冷

圓滿又係Wyman填詞，一首比較上黎平淡既歌，但我總覺得愛黎唔需要要生要死既，平淡既愛都有可貴之處，聽講MTV入面何韻詩係死左既，好似同歌詞無乜關係......要睇過先知喇。

願我可以學會放低你就頗為K歌下，冇咩好提。聽聽下，其他幾隻歌都開始有D味道，Her Story係一個獨立女性既故仔，套落何韻詩身上都頗為合適，花見就見到一D梅豔芳既霸氣，而滿城盡帶黃金甲就講物質生活，係一隻Rock Rock地既歌，我麻麻地鍾意啦。

已經數唔清楚Wyman同何韻詩呢個組合出過幾多好歌好詞喇，或者何韻詩呢個歌手比較中性一D，可以畀黃偉文呢個又係「中性」既作詞人借住何韻詩既歌黎表達自己，以前開始過一個講佢地合作既基歌既Topic，遲D又可以講下佢地合作之下關於死亡既歌。

或者係梅豔芳既關係對何韻詩有某程度上既impact，何韻詩既歌會見到幾多關於死亡既歌。呢個遲D再講。