FANTUS的廁所哲學─存在感(三)

接近半年後繼續我的存在感哲學......

4.6.1 所謂自己掌握自己的存在，就是以自己來決定準則，來決定自己有否存在。
4.6.2 什麼是可靠的準則？以自己的快樂來作準則。
4.6.3 換句話說，你的存在，不在於你的子女有幾孝順，回報你幾多，而是你為他們付出幾多的愛，在這個過程裡，你得到幾多的快樂。
4.6.4 換句話說，你的存在，不在於你的朋友給你幾多關懷，而是你為他們設想了幾多，你的朋友快樂，你也快樂。
4.6.5 換句話說，你的存在，不在於你的愛侶給你幾多愛護，而是你為他包容和忍耐，在這個過程中你有幾多的滿足感。
4.6.6 "You are what you love, not what loves you." --Donald Kaufman，《Adaptation》

藍奕邦 - 善忘

善忘
曲: 藍奕邦
詞: 黃偉文
編: 伍仲衡
監製: 藍奕邦 / 李漢金

我認錯 馬利奧是米奇
我漏過 接近廿個手機
我的失憶症 嚴重到我 也都忘記

放下了 掛號信
照例記不起明天應該去寄
明日偏卻發現 今天的戲飛

誰人曾在我房 渡過些快樂時光
在我眼中只有 空的雙人床
其餘人和事 都巳被遺忘
記憶的貨倉 什麼都儲下 恐怕太多失望
大概天要厚待誰才允許這些人 太善忘

我座駕 最後泊在哪兒過十秒
再問我也不知還有很多次
人入了屋 留下鎖匙
對住你 有話說 正在要開始才想不起主旨
沉默比較美麗 不開口不會輸

誰人曾在我房 渡過些快樂時光
在我眼中只有 空的雙人床
其餘人和事 都巳被遺忘
記憶的貨倉 什麼都儲下 只會間中偷看
大概天要厚待誰讓某一些感情 記錄也燒光

無相干 無相干 無相干
留低的 遺失的 誰再看
往事不怕善忘 繼續有人來與往

誰人在我房 渡過些快樂時光
在我眼中只有 空空的雙人床
來年還何用講 那夜那樣難忘
別當避風港死守於昨日總會惹不安
大概天要厚待誰才允許這些人 太善忘

熱帶魚 - 藍奕邦

熱帶魚 - 藍奕邦
曲︰藍奕邦 詞︰藍奕邦 編︰藍奕邦／李漢金

＊熱帶魚 魚缸中一雙一對　
談不上揮之則去 大家不想太疲累　
功課做完大覺睡 魚缸中懶惰浮游　
得過且過的屈居 不進則退

興那個　跟那個　抄個夠吧
書報裡　推介過　然後你又贊它
大紅人　穿著過　所以著吧
總會有　AB餐　無謂費神去揀
天光必然有天黑　根本不用計算吧
思想保持最簡單　等個笨人站前哨
講的不是你所想　別做突出的那個
不需多動腦思考　逃避現實做啞巴

重唱　＊

興那個　聽那個　起勢唱吧
他會舞　雙截棍　然後你又去耍
大紅人　講那套　反戰說話
因你怕　跟不上　然後你又去反
催谷心靈喝雞湯　纖體矯形再美白
追捧他人愛追的　幫個犯人做橫額
偏激將弊處指出　受盡大家的怪責
不需多動腦思考　逃避現實做啞巴
熱帶魚 魚缸中針鋒相對　
談不上揮之則去 大家不想太疲累　
只要做人沒顧慮 誰都可照樣浮游　
開心得有點心虛 爛泥一堆或是物以類聚

重唱　＊

有Heart

「我覺得呢份功課做得幾有Heart。」
「喂，呢套戲拍得幾有Heart架。」
「呢首歌......唱得幾有Heart丫。」
......
......

即係點？

◎◎◎◎◎◎◎◎◎◎◎◎◎◎◎◎◎◎◎◎◎

假如你做功課真係好既話，就應該講：
「我覺得呢份功課Research好足，寫得亦好流暢，係編排方面又容易明白，唔錯。」

假如你拍戲真係好既話，就應該講：
「呢套PTU非常好！好明顯杜琪峰再一次表現佢拍男人情義個種經驗，而且巧妙咁利用燈光來營造出一種好好既氣氛，任達華個種亦正亦邪既面亦都好o岩呢個角色......」

假如你唱歌真係好既話，就應該講：
「首歌唱得唔錯喎，係Chorus既地方感情豐富，雖然頭段歌詞又快又密，你都可以唱得好清楚，你又抑壓左你成日有既抖氣聲，有進步喎。」

◎◎◎◎◎◎◎◎◎◎◎◎◎◎◎◎◎◎◎◎◎
讚人要咁樣讚先至係正路，咁樣先至係言而有物，物有所指，你可以講得出你點解覺得好，可以Quantify你既「好」，咁先至有意義。

但假如你咩都冇得讚呢？但又唔想傷人地心(e.g. 可能人地係你既老婆\女朋友\追求目標，又或者佢係你下屬\學生\米飯班主)，咁唯一可以講既就係「你做D野幾有Heart丫。」。

讚人「幾有Heart」已經成為讚人既最低要求，又或者講係最低消費，你睇份功課\睇場戲\聽人唱歌，你至少要擺低一句「幾有Heart」你先好走，就好似係去飲茶既茶錢一樣，點心你可以唔食，但茶錢唔可以唔畀。

試諗下，你去飲茶，人地問你
「喂！覺得呢間茶樓點呀？好食唔好食呀？」，

你答
「Hmm......D茶幾好飲丫」

咁你知D點心咩事啦？畫公仔唔洗畫到出腸呀下？