Talk is cheap

公司最近唔係好安寧，因為A君。

A君3個月前係Audit轉黎，咁佢就話自己好有興趣加入Corporate Finance云云，又係正式返新工前約左我去傾下計。

個日係麥當奴坐低講，我就知道佢係屬於煩個種人，講野冇幽默感，死讀書，不過都以為冇乜野既，點知就出事喇。

一開波做野，教好耐先教得明，又唔識講野，更加唔識唔講野，即係好似我咁，知道自己唔識講野就講少D，但係佢又成日以為人地對佢自己既野有興趣不停係咁講。呢D都小事喇，一見Partner R 就講錯野，唔知佢講錯咩，總之就低能啦，變左而家Partner R會同我Manager講：
Hey, how's that dickhead? (當然指A君啦)

A君又鍾意用唔同藉口掩飾佢自己既愚蠢，考試多呀，同人唔夾呀，唔慣呀咁，多多藉口，係永遠唔會覺得自己蠢個種人。我終於明白點解我2個Manager 27歲做Manager，而佢就27歲都仲係一個Analyst。

3個月黎，幾次做錯野，畀人話過N咁多次。3個月後，當然有Performance review啦，結果畀個Director同2個Manager的左入房話佢表現差，佢就梗係冇癮啦，今朝返黎同我講話辭職。

本來係好事黎既，點知殺出個程咬金，Partner T係屬於叫做人事方面既Partner，佢一直都有跟開呢個問題兒童，點知佢竟然留A君，話人仲有做錯野既，唔可以因為一件錯事就放棄人。

真係屌三聲！
你唔係管佢個個，你梗係可以懶大方咁畀機會人架，唔係你晒時間輔導人丫嘛，佢唔係做你既事嘛，做錯左又唔關你事，你梗係可以大撚條道理講畀機會人架。Talk is cheap！

A君個人又冇Guts又冇主見，個撚個都唔撚鍾意你你就柄埋啦！你勉強留多一個月咪盞大家辛苦，D人真係蠢！

擦鞋仔的狐假虎威

睇蘋果既回歸10年百人誌，今次係民建聯主席馬力。
篇文大概係講以前係董建華做特首，保皇保得好辛苦，而家曾蔭權做，發覺都係民建聯可靠，所以而家支持政府都可以大聲D。

馬力講左D咩呢？
就係話我而家咁有自信，唔係因為我有政治功勞，幫人民做左D咩事，唔係因為我有咩政策提出黎，亦唔係因為我慧眼識英雄，而係因為我逢中必挺！

唔洗分析唔洗諗唔洗計唔洗用腦，睇下我而家幾撚掂！

馬力而家有信心，唔係因為自己能力有幾高，而係因為佢幫人擦鞋，隻鞋既擁有人掂！以前就唔撚掂啦，董建華隻鞋臭既，不過照擦！我自己係擦鞋仔，而家擦o岩鞋喇，幾威！

擦鞋都擦得你咁招積既真係未見過，不過我一定唔會投你個擦鞋仔一票。

2007年4月29日

「 以 前 抬 唔 起 頭 　 家 聲 都 大 」 回 歸 10 年 百 人 誌 ： 馬 力 道 出 保 皇 辛 酸

過 渡 期 時 做 反 對 派 的 左 派 政 團 ， 回 歸 後 沒 有 搖 身 一 變 成 為 當 家 作 主 的 權 力 骨 幹 ， 反 而 在 八 年 董 治 時 代 下 慘 烈 「 陪 葬 」 ， 左 派 銜 頭 令 他 們 抬 不 起 頭 。 萬 料 不 到 殖 民 地 遺 將 曾 蔭 權 兩 年 前 強 勢 登 場 ， 卻 為 與 政 府 綑 在 一 起 的 左 派 帶 來 生 機 ； 保 皇 不 再 成 為 負 資 產 ， 「 家 我 話 支 持 政 府 ， 把 聲 都 大 。 」 本 地 最 大 愛 國 愛 港 政 團 、 民 建 聯 主 席 馬 力 這 一 句 心 底 話 ， 究 竟 道 盡 了 多 少 左 派 中 人 回 歸 10 年 的 辛 酸 ？ 　 記 者 ： 許 偉 賢

曾 經 ， 在 過 渡 期 內 任 《 基 本 法 》 起 草 委 員 會 秘 書 長 的 馬 力 以 為 ， 回 歸 後 左 派 的 角 色 更 加 吃 重 ， 事 實 卻 不 然 。 「 回 歸 前 ， 我 同 前 港 督 彭 定 康 一 起 成 長 ， 佢 到 專 搞 政 治 ， 我 就 明 顯 反 對 派 ； 回 歸 後 梗 係 覺 得 ， 係 自 己 政 府 喇 ， 要 支 持 喇 ， 點 知 （ 前 ） 港 英 官 員 ， 仍 然 接 受 唔 落 （ 左 派 ） 。 」

初 期 不 獲 高 官 信 任 結 果 是 回 歸 三 、 五 年 後 ， 政 府 高 官 對 他 們 始 終 不 存 好 感 。 「 當 時 有 官 員 淨 係 同 反 對 派 打 交 道 ， 你 親 中 左 派 ， 梗 係 叫 阿 董 搞 掂 你 ， 阿 董 搞 唔 掂 咪 中 央 搞 掂 你 ， 佢 根 本 唔 care （ 關 心 ） 你 點 諗 ， 對 我 真 係 唔 太 畀 面 。 」 為 回 歸 出 心 出 力 的 左 派 ， 難 免 感 到 不 是 味 兒 ， 但 忍 辱 負 重 始 終 是 左 派 強 項 ； 政 府 當 你 冇 到 ， 仍 可 以 咬 牙 關 捱 過 去 ， 只 是 前 任 特 首 董 建 華 弱 勢 管 治 下 的 日 子 ， 實 在 一 天 比 一 天 難 捱 ， 因 為 「 政 府 當 時 要 我 支 持 得 ， 梗 係 難 啃 ， 總 之 就 係 好 就 唔 益 你 ， 大 鑊 搵 你 落 、 搵 你 陪 葬 。 」

《 基 本 法 》 第 23 條 立 法 就 是 一 個 活 生 生 的 例 子 。 當 時 政 府 處 理 不 當 ， 左 派 萬 箭 穿 心 ， 支 持 立 法 的 民 建 聯 首 當 其 衝 ， 成 為 群 眾 攻 擊 對 象 。 「 我 當 時 同 佢 一 齊 綑 綁 一 齊 撐 住 上 ， 結 果 係 點 ？ 就 係 賠 上 我 政 治 本 錢 ， 真 係 好 傷 。 連 曾 鈺 成 咁 支 持 政 府 人 都 會 話 有 辱 無 榮 ， 好 明 顯 係 好 感 慨 ， 畀 我 我 都 講 唔 出 。 」 董 建 華 的 有 心 無 力 ， 換 來 曾 蔭 權 發 夢 也 想 不 到 的 特 首 寶 座 ， 竟 然 也 為 左 派 政 團 帶 來 重 生 機 會 。 絕 非 根 正 苗 紅 的 曾 蔭 權 ， 思 想 感 情 上 與 左 派 有 一 定 距 離 ， 「 開 頭 大 家 磨 合 係 要 好 小 心 ， 咩 都 要 三 口 六 面 講 清 楚 ， 大 家 互 信 程 度 始 終 唔 大 ， 大 家 對 大 家 都 有 猜 疑 。 」

馬 力 承 認 ， 一 直 至 05 年 政 改 一 役 ， 曾 蔭 權 始 發 覺 民 建 聯 原 來 最 切 實 可 信 ， 雙 方 關 係 漸 見 好 轉 。 更 重 要 的 是 ， 曾 蔭 權 領 導 下 的 政 府 既 強 勢 又 得 民 心 ； 左 派 就 算 再 與 政 府 拍 住 上 ， 也 不 會 成 為 票 房 毒 藥 。 「 保 皇 ， 以 前 係 抬 唔 起 頭 ， 係 好 負 面 ， 因 為 個 政 府 根 本 做 得 唔 好 。 但 係 家 唔 同 ， 你 睇 家 官 員 ， 聲 都 大 ， 條 腰 都 直 ， 政 府 處 於 強 勢 ， 我 支 持 政 府 ， 聲 都 大 啦 。 如 果 個 政 府 做 得 比 較 似 樣 ， 保 皇 就 唔 會 再 成 為 負 資 產 。 」

「 土 共 不 外 如 是 」強 勢 還 強 勢 ， 曾 蔭 權 始 終 要 跟 時 代 走 ， 與 政 黨 甚 至 民 眾 展 開 平 起 平 坐 式 交 往 。 馬 力 不 忘 勸 勉 一 句 ： 「 放 下 身 段 係 好 開 始 ， 大 家 平 等 對 話 ， 係 現 代 政 治 趨 勢 。 如 果 你 （ 煲 呔 ） 覺 得 自 己 仲 係 高 高 在 上 話 ， 我 可 以 話 你 聽 ： 呢 個 時 代 已 經 過 。 」 左 派 這 個 標 籤 ， 回 歸 初 期 就 像 洪 水 猛 獸 ， 市 民 聽 到 都 嗤 之 以 鼻 ， 以 為 受 盡 中 央 眷 顧 的 左 派 ， 回 歸 後 肯 定 盡 享 榮 華 富 貴 ， 支 配 特 區 發 展 ， 馬 力 也 受 了 不 少 氣 ， 「 人 郁 就 土 共 土 共 咁 叫 你 。 」 10 年 時 間 卻 驗 證 ， 「 土 共 原 來 都 不 外 如 是 ， 佢 無 權 無 勢 又 無 錢 ， 普 通 香 港 人 咋 喎 ， 有 乜 好 驚 ？ 」

民 建 聯 最 痛 的 兩 件 事問 到 民 建 聯 十 年 最 痛 ， 馬 力 想 了 一 想 便 說 ： 「 應 該 係 程 介 南 事 件 同 區 議 會 慘 敗 。 」 態 度 輕 描 淡 寫 。 2000 年 立 法 會 選 舉 前 夕 ， 程 介 南 被 揭 發 涉 嫌 以 權 謀 私 。 此 事 馬 力 形 容 為 「 諗 唔 到 咁 杰 」 ， 「 事 發 後 內 部 調 查 跌 成 十 幾 個 百 分 點 ， 真 係 嚇 都 嚇 餐 死 。 」 三 年 後 ， 因 為 挺 23 條 立 法 導 致 區 議 會 選 舉 失 利 ， 馬 力 最 心 痛 當 時 市 民 覺 得 保 皇 黨 不 負 責 任 ， 「 一 聲 吹 雞 就 乜 價 值 觀 都 擺 埋 一 邊 。 」 7.1 遊 行 一 句 「 踢 走 保 皇 黨 」 口 號 傷 盡 不 少 黨 員 心 ， 最 終 要 他 「 無 端 端 」 代 替 曾 鈺 成 走 馬 上 任 做 主 席 ， 更 是 萬 料 不 及 的 「 意 外 」 。 只 是 ， 兩 件 「 大 鑊 」 事 件 發 生 後 ， 民 建 聯 依 然 屹 立 不 倒 ， 更 成 為 本 港 第 一 大 黨 。

回 歸 10 年 倒 數 63 日

前路茫茫

好想走。

3年黎係Sydney一直都唔開心，因為朋友同我既價值觀相差太遠。

有一Group就同我金錢觀相差太遠，另一Group就同我既道德觀相差太遠。
而冇一個能夠同我分享興趣，佢地只係識得讀書，賺錢，美容，減肥。

又有人唔識分是非黑白，又或者係自私唔理人感受，總之就唔係一個應該有既行為。

做野方面其實幾好，經過一年半後，我又變返正常既我，寸寸貢，開下玩笑，講下數學哲學宗教睇書。

做野係一個可以畀你正常表現Intelligence既地方，而外國人包涵力係高D，至少唔會好似D中國人咁話：

哇，乜你識埋D咁既野？！

睇書？我唔睇架喎

膚淺唔係問題，甘於膚淺先係問題。

不過我知道留係度都唔會有太大發展，仲要返去既。可能有個機會等到年尾可以去北京繼續呢份工，跟個好老闆，不過我等唔等到呢？阿頭又畀唔畀我去呢？

知道個市好，去搵工，不過就好迷惘，搵份咩工呢？大Firm？定係有得去北京新加坡既細Firm？辭左工返香港搵？返唔返中國呢？

6月頭應該要考CFA，不過冇時間讀，每日返工返到咁夜都冇時間讀到，又遲起步，但每個星期都會受良心責備，但又想歎下。

每一日每一個鐘都會諗應該點做先好，每一日都有D唔知想點既感覺，希望快D明朗化啦。

K化

蘋果日報，副刊，字作廣告電影，畢明，2007年04月08日

香 港 人 是 否 永 遠 不 能 自 己 經 營 出 一 些 class ？ 永 遠 不 懂 得 平 衡商 業 生 存 和 專 業 驕 矜 ？ 今 年 的 電 影 節 可 算 是 最失 敗 的 電 影 節 。 出 閘 脫 腳 ， 網 上 購 票失 誤 頻 仍 災 情 難 民 不 聊 生 ， 主 辦 單 位 裙 拉 褲 甩 鄭 重 出 道 歉啟 事 之 外 ， 商 業 化 的 考 量更 嚴 重 污 染 了 電 影 節 的 生 態 。

的 確 很 成 功 地 吸 引 了 更 廣 泛 的 客 源 。 他 們 是 來 欣 賞電 影 ， 還 是 來 行 花 市 、 唱 K 、 睇 演 唱 會 ？ 未 曾 入 場 已 滴 汗 ， 暗 嘆「 領 」， 眼 利 勢 利 如 我 ， 多 少 看 得 出 看 官 的 水 平 ， 忘 形 大 聲 高 談 闊 論 有 之 、 嬉 鬧 得 旁 若無 人 有 之 ， 很年 青 的 ， 但 我 有 陰 影 開 場 後 他 們 會 抽 出 碌 蔗 來 噬 ， 吃 生 果 盤 、 玩 骰 盅、 猜 枚 。

果 然 ， 觀 眾 的 表 現 是 戲 肉 ： 見 到 偶 像 明 星如 Rain 會 驚 呼 狂 叫 ， 他 和 女 主 角 親 嘴 會 大 嗌 「 唔 好 呀 ！ 」 。 看 《 武 士 的一 分 》 ，嘖 嘖 大 彈 古 裝 不 適 合 木 村 拓 哉 ， 臭 罵 電 影 又 慢 又 悶 。 目 標 觀 眾 嚴 重 錯 配 。 你 如 何 期望他 們 細 味 電 影 中 以 四 季 的 變 化 、 天 色 、 聲 音 、 味 道 去 烘 托 主 角 的 心 境 ？ 氣。 眼 之 於 色 、 耳 之 於 聲 毫 無 同 好 焉 ， 好 一 群 「 戲 盲 」 。 香 港 是 否 變 了 庸 俗 的 共 同體 ？ 沒 文 化 是香 港 的 名 牌 、 香 港 的 標 誌 、 香 港 的 象 徵 、 香 港 的 驕 傲 。 「 咩 呀 ， 邊 個話 睇 戲 唔 可 以 講 / 打 電 話 ？！ 」 幾 型 ， 幾 油 尖 旺 呀 ！ 又 係 喎 ， 劉 德 華 冇 講 過 喎 。 對 文 化 的 尊 重 、 傳 承 、 欣 賞 、 禮 儀 ， 如茶 芥 ， 全 免 。

Etiquette ， 搵 邊 位 ？ 搭 錯 線 。 很 想 塞 本 黃 崑 嚴 的 《 談 教養 》 給 他 們 ： 尊重別 人 從 教 養 開 始 。 教 養 是修 煉 ， 自 我 省 思 及 琢 磨 ， 一 個 城 市 的 集 體 人 文 內 涵 ， 代表 一 個 地 方 的 水 準 。 香 港 ， 教 育 全 面 職 業 化 、 功 利 化 ， 人 ， 祇 是 經 濟 動 物 。 教 院 風波 告 訴 大 家 官 大 或 錢 多 ≠ 有 教 養 。 林 語 堂 說 教育 的 目 標 在 於 發 現 知 識 上 的 鑑 別 力 和 良 好 行 為 ，托 克 維 爾 （ Tocqueville ） ： 民 主 政 治 是 表 現 自 我 節 制 和 自 律 最 嚴 峻 的 考 驗 之 一 。在本 地 ， 品 味 祇 是 都 市 遊 戲 ， 人 人 有 心 得 懂 耍 兩 手 ， 誰 不 會 簽 卡 透 支 購 物 狂 萬 多 元買 一 套 名 牌 武裝 起 來 。 氣。

經 濟起 飛 ， 精 神 文 明 沒 有 同 步 ， 思 覺 失 調 ， 落 後 了 形 勢 。

是 速 度 代 替 深 度 的 年 代 。 先 到 先 得 ， ASAP ， 港 式 精 明 。

K 歌 之 紅 ， 卡 拉 OK 之 旺 ， 令 香 港 都 「 K 化 」 了 。 易 唱 的 歌 給 易 做 的 歌 星 唱 ， 大 家 不必 刻 下 苦 功 磨 劍 練 武 ， 用雞 仔 聲 走 音 ， 邊 哭 邊 唱 ， 男 女 適 用 ， 下 一 站 天 后 / 天 王 。要 快 ， 練得 功 來 天 已 晚 ， 先 湧 出 來 至 算 。 不 過 再 下 一 站 可 能 已 經 係 尾 站 。 是 不 能 淬鍊 出 superstar 的 世 代 。 Fans 也 易 做 的 ， 不 懂聲 色 藝 為 何 物 ， 自 己 入 K 房 ， 一 支咪 加 三 格 echo 低 一 個 key ， 降 低 難 度 ， 凡 人 水 鬼 升 大 歌 星 城 隍 ，幾 易 ？ 支 持 偶 像！ 電 影 節 也 「 K 化 」 ， 偶 像 助 陣 ， 票 房 的 誘 惑 很 惹火 ， 淪 陷 了 。 全 球 ， 祇 有 香 港 的電 影 節 是 這 樣 的 ， 遠 至 康 城 ， 近 至 釜 山 ， 平 實 如 多 倫 多 ， 都 不是 沒 禮 貌 的 戲 盲 充 斥的 。

經 濟 學 家 Scitovsky 說美 國 在 資 本 主 義 和 消費 文 化 的 亢 奮 中 馴 化 了 ， 大 眾 祇 懂 追 求 舒 服 和 安 全 ， 而 非 爭 取 快 樂 。 他 認為 快 樂 ，是 要 經 過 挑 戰 、 面 對 未 知 、 敢 冒 險 ， 才 可 得 到 的 。 舒 服 較 易 ， 不 要 辛 苦 。 先 苦 後 甜 ？ no thanks ， 寧 願 唔 甜 ， 好 過 吃 苦 。 路 難 行 、 難 行 路 ， 咪 搞 我 。 走 易 路， 得 過 ，且 過 。 任 性 容 易 ， 修 養 律 己 難 ； 鍾 意 容 易 ， 相 愛 很 難 ； 做 人 難 ， 做 有 質 素 的 人 更 難。 K 化 容 易 ， 教 化 難 。

永 遠 記 得 人 30 歲 後 就 要為 自 己 的 面 孔 負 責 ， 長 得 不 好 看 別 怪 你 亞 媽 亞 爸 或 鏡 子 。在 滾滾 紅 麈 中 不 過 想 取 冷 暖 自 知 的 一 瓢 飲 、 看 一 場 好 戲 ， 的 確 不 易 。 但 筆 者 頑 劣 ， 力 拒 K 化 ， 追 求 快 樂 。

逆轉裁判

好似未寫過Game 評，放假就寫篇啦。

逆轉裁判係一隻少有既法庭Game，玩家扮演成步堂龍一，幫人洗冤既故事。遊戲性係有2部份，一方面係傳統既ACT模式，係案發現場搵線索，另一方面就係法庭上面質問證人既模式，要係人地既證供中搵到矛盾既地方。

係而家3D game，online game盛行既Game 界，呢種好既ACT遊戲真係買少見少，呢種遊戲最要求既就係故事性，就係條橋扭得好唔好，合唔合理，我玩逆轉裁判2最後一個故事真係驚喜萬分，條橋扭完一個又一個，所以等唔到出第3集英文版都搵中文版玩住先。

第4集就黎出喇，有關公司都好識做咁推出遊戲配樂OST，今次係Orchestra版，非常地咁適合呢一款遊戲，我認為呢款遊戲最出色既除左故事之外就一定係配樂，有磅礡既法庭配樂，有節奏急速既，用係法庭上針鋒相對時侯既配樂，有係案發現場用既懸疑配樂。特別推介最後一首「王泥喜法介?新章開廷！」，係第4集主人公既主題音樂，配合埋有玩家自製既預告片黎睇真係一流：

http://youtube.com/watch?v=8nC8-PAo3MQ

另外，逆轉裁判配樂Jazz版o岩o岩係3月尾出左，或者要靠係日本既朋友幫我搵搵喇......

個人性與和諧

每個人係社會入面都係一舊磚。
社會係一幅用磚砌成既牆。

對於牆黎講，所有磚都係四四方方，冇稜角既咁就最好。

對於一個砌磚工人黎講，佢既工作就係砌磚牆，所以佢最唔鍾意既就係呢D咁有特色既磚。
呢D咁有特色既磚一係砌唔到一幅牆，一係砌到都唔靚。

對於教師黎講，佢既工作就係砌社會呢個磚牆，所以教師又或者學校係最經常琢磨我地既地方，將我地磨到四四正正，將每舊磚既顏色都調到一樣。
試想下，點解我地要著校服？要守校規？唔可以染頭髮？唔可以有特別髮型？因為我地要同其他人一樣，咁樣牆先容易起。

但對於舊磚黎講，我四四方方同你四四方方又咩分別？我唔想只做一舊磚，我要其他磚認得我呢舊磚，記得我呢舊磚。

要人地認得你，你就要有特質，你既特質就係你既外表、衣著、飾物、談吐、見解、思想......簡單黎講就係Likes and Dislikes。放返落磚既例子就係舊磚既顏色、花紋、質地、形狀等等。

任何野都有代價，你要D磚四四正正，佢地就一定唔會有個人特色。假如佢地有特色，代價就係度牆唔穩固，肉酸，即唔和諧。

社會而家要求和諧既程度已經到達一種非理性既程度。
咩叫理性既和諧程度？
理性既程度係指我地唔容許有歧視、唔容許我地去攻擊人等等。

不過而家，追求和諧已經變成追求庸俗，邊一個叻仔叻女，做D野有多少唔同呢就要攻擊佢，棒打出頭鳥：

************************************************************
你唔可以去睇哲學科學數學書，你睇既話你就係扮高深，你要同我地一樣睇八卦雜誌先叫做和諧。

你唔可以去評論電影，睇戲睇完就算啦，去花時間去做資料收集係On9！寫影評就更加係痴線啦，你懶咩勁呀，係唔係睇唔起我地呀？拿，咁樣唔和諧喎！

你寫咩文畀報紙登呀，你寫到我寫唔到即係睇唔起我地啦？唔和諧喎！

你得閒又做咩寫Sudoku solver呀，寫咩紫微斗數 program o者，又懶係野咁，同我地去DFO買衫落D溝仔溝女啦，咁樣就和諧喇！

************************************************************

學無間道黃Sir講：

世界唔應該係咁，做人唔應該係咁。