影評 - 可可西里

可可西里係中國青藏高原既藏語，意即美麗的姑娘。係90年代，歐美地區對藏羚羊毛有好高既需求，所以吸引左一班非法既獵人獵殺大量既藏羚羊，當地人為左保護藏羚羊，自願組成巡山隊，日泰就係佢地既隊長。故事主人翁(乃小)玉係記者，佢黎到呢個可可西里希望報導關於巡山隊既事。

影片而寫實既方法講述巡山隊既困難：高原氣候變化無常，大風雪、大風暴，再加上神秘既流沙，而巡山隊並唔係政府機構，冇資金冇人手，令到巡山隊面對因非法捕獵致富既獵人可以話係冇得鬥。影片最後，所有既巡山隊既隊員因種種理由而犧牲：汽車拋錨而係風雪下凍死，誤墮流沙喪命，或者風雪下走失，最後只係剩下日泰同埋記者，日泰係面對10幾個獵人仍然同首領講「放低槍，跟我走」，係觀眾同埋獵人首領眼中都係可笑，最後獵人將佢射死，暗喻左巡山隊係面對資源短缺而同獵人鬥係一件可笑幼稚既事。但亦因為咁，而突顯出呢班人對於可可西里既熱愛同埋佢地肯犧牲自己既精神。

影片亦都有從獵人角度出發，馬詹林係影片中途被巡山隊所捕，佢解釋佢原本同3個仔都係放牧為生，幾年前佢既牛羊都死去，生活所逼而要去幫非法獵人剝羊皮。巡山隊資金有限，日泰向記者承認有時要將沒收返黎既羊皮去黑市變賣賺錢，從呢2件事睇，大家都係為討活，都係賣羊皮，究竟點解一面既人就係兵，另一面就係賊？