事實是殘酷的

今日無端端同Shaini姐講起佢上星期去retreat既一個討論活動，討論內容係關於人生係命定丫，定係我地其實有選擇。Shaini姐話「選擇組」既其中一個論據係，假如我地真係冇選擇而係命定既話，我地同植物有咩分別？

呢個係一個有效既論據嘛？假如我而家審理一個謀殺case，疑兇將被害人殺死，將其內臟掏出，疑兇將內臟生食，兼且將被害人既屍體隨意玩弄，我作為辯護律師，我話：假如疑兇真係做左以上既事既話，佢就同禽獸冇乜分別，試問人又點會係禽獸架丫？所以疑兇根本冇做過以上既事！你聽完呢個例子，會唔會覺得係將事實扭曲？

一個事實唔會因為佢既nature或者佢既引申而改變，事實就係事實，好似頭先咁，假如控方係有人證物證指模DNA證人兇器......，咁樣就係有力既證據。同樣道理，談論人生是否命定呢個屬於事實判斷既討論，係應該以另一D事實黎確立。我認為比較好既例子係檢驗下算命、星座、掌相等既可靠性黎做判斷。題外話：我係聽過一D由朋友畀既例子，都係指向人係有所謂命運(當然，我知道咩為之一個好既預言)，不過關於人係人生入面有冇任何或多或少既選擇權，我冇意見。(即係我鍾意黑色係唔係命定？我唔肯定)

好多時我地都會墮入以上既謬誤，就係因為事件引申既後果嚴重，所以就逃避現實，以上就係人唔肯面對「我地無選擇」呢個問題而引致既謬誤。一個思路清晰既人，係唔應該因為事件既嚴重性黎影響判斷，真就係真，假就係假，唔知就係唔知，總唔會因為一D我地唔願見到既情形而顛倒黑白是非，呢D係逃避現實既表現。

觀察與奧卡姆剃刀

一直以黎都擅於並樂於觀察朋友既小動作，從而掌握佢地既一D秘密，例如拍拖、分手、暗戀、自卑等我都可以睇得出，好多時同當事人講起，佢地都會否認，話有另外一個解釋都解得通，唔係我諗咁既云云，究竟一個觀察要去到邊度你先可以做決定？

我既睇法係去到邊度都可以做決定，大又好、小又好，總之係異於通常狀態既行為都可以作為判斷既準則，你或者會擔心，會唔會判斷錯誤？我覺得假如你真係觀察到某D野既話，從而作出判斷，呢個行為冇唔妥，有邊個可以完全掌握所有事實作判斷？係唔係唔掌握晒所有野就唔可以作判斷？如果係既話我地好多判斷都唔做得，邊有可能？我都試過判斷錯誤，錯左咪認囉，人生咁長，總有判錯案既情形既，我既判斷又唔會影響人地既，判斷錯又有咩大不了？

一個觀察有無限多種解法，我點知邊一種解法係o岩？呢個時候，就要用到奧卡姆剃刀原則(Occam's Razor)，奧卡姆話假設應該係愈小愈好，假如有2個解釋都可以解得通某個現象，你就應該揀最簡單直接個個，而唔係水蛇春咁長，又要假設好多factor個個。

用數學黎做比喻，假如有2點，而我話畀你知有一條線可以穿過呢2點，呢條線係咩？最簡單既答案當然係直線啦，但我地可以有其他線都可以穿到呢2點架喎，拋物線、雙曲線、圓形、又或者係一條power係9既polynomial(即係Ax^9+Bx^8+Cx^7+...既多項式)，咁多條線，條條都穿過呢2點，咁應該揀邊條黎做答案呢？

用Occam's Razor原則就會話你知係用直線，假如有3點，而直線係唔可以穿過呢3點既話，你就會用一條拋物線黎形容。Occam's Razor就係咁簡單，呢個原則可以幫我地更加容易係眾多解釋入面揀最好個個。

忙

最緊忙到七彩，都3,4個星期冇睇戲喇。
原本以為我會頂唔住既，但過左2個星期我開始習慣......

係好事定係唔好事呢？

自由的生活

我既心態有D似以下個個女仔，只不過我要求既係每日5點半放工，跟住無牽無掛咁生活，樓會買、機會打、錢會蓄，但時間一定唔會畀晒工作。

辦公室百態﹕放下即自在　

【明報專訊】絕大部分人都選擇做打工仔，為金錢出賣一天最寶貴的時間給僱主，每天9小時，一星期6天，人生最黃金的幾十年，除了在辦公室過便是埋頭苦睡，於是人人渴望退休，希望到了人老珠黃那一天，終於可以有足夠的積蓄去享受人生。　公司一名女同事，卻選擇了另一條路。她是一個秘書人才，為人細心、勤力、整齊又有交帶，上司給她的文件她全整理得井井有條，電話簿詳細得任誰來接手都一目了然，telephone manner非常好，audio typing更是速度過人，最重要的是，她非常願意學習，案頭放?一本翻得又黃又舊的英文字典，她說﹕「我無論去到邊都帶住佢。」　但她只做了6個月便辭職了，不管上司怎樣挽留，她也堅決辭職。虎蝦女打聽之下，才得悉她每份工作都做不長久。原來她一個人在香港生活，平日生活節儉，化妝品名牌衫欠奉，清湯掛臉一身便服，天天帶自己新鮮煮的飯盒，每工作一個月，便可以儲到幾千元，每份工做半年，儲到幾萬元後她便會辭職，過一些自己喜歡的生活﹕行山、觀鳥、看日落，研究怎樣蒸肉餅最美味，每天跟愛犬散步1小時，然後煲湯做家務。如此過了兩三個月，休息夠了儲蓄又快用完，她才又找份工作，儲夠「彈藥」又再放假。　要自由 不供樓　問她沒有固定收入，不用供樓嗎﹖隨時辭職會不會沒有安全感﹖她說﹕「人生求什麼呢﹖打死一份工又有什麼前途﹖我才不會供樓，我要自由自在生活，不然做到生病，捱到又老又殘，得不償失。」看她年近30，然而生活無壓力又養尊處優，看來皮膚光潔容貌年輕，一身粗布麻衣，卻自有光采。　 看，做人也可以自由自在的，如果幸運的你沒有家庭負擔，那麼你也有資格想想﹕到底你的生活自在與否﹖如果你能放下一點名牌、奢侈和面子，或者你也可以追求多一點自我的生活。　文﹕虎蝦女

影評 - TsoTsi - 另一個贖罪

看了本年度奧斯卡最佳外語片《TsoTsi》，是一部來自南非的片，在當地語言，TsoTsi指的是流氓，而背負著這個名字的主角也是個徹頭徹尾的流氓。TsoTsi與其他3位流氓往往一起行動，他們打劫、搶奪，在一次搶奪汽車的案子，TsoTsi自己開槍打傷了一位富婆，把她的名貴汽車搶走，但之後他發現車內原來還有一個嬰孩，他把嬰孩帶回家，因為畏罪的原因，他要求(其實是拿著槍指嚇)在貧民窟裹另一個女人的幫忙把嬰孩餵飽，當女人問TsoTsi嬰孩的名字的時候，TsoTsi用他自己原本的名字David回答了女人的問題。

TsoTsi原本有他的父母，不過因為媽媽染病的緣故(相信是愛滋病，片中曾至少3次影出預防愛滋病的廣告牌)，而父親殘酷成性，有次他把TsoTsi的狗打傷了，那隻狗跛了2隻腳在呻吟，嚇得TsoTsi離家出走，自己與其他沒有親人的小孩在荒地上面住。TsoTsi救了嬰孩之後很明顯地起了憐憫之心，但他很明顯地不懂得表達自己。他在火車站遇上了跛了的乞丐，明明是自己憶起了受傷的小狗，想表達一下關懷，但他的表現卻看上似想打劫這個乞丐。明明是自己想要求女人幫助餵養嬰孩，但表現出來卻也是似搶劫，這2幕戲都是為之後的贖罪舖排，說明TsoTsi外表雖壞，但其實也是一個有同情心的人，只是過慣了非人生活，在逼不得已下走上這條路。

慢慢地，TsoTsi改變了，他希望養大這個嬰孩，就好像是自己化身為自己的父母，把自己養大一樣，所以他與他的黨羽再次搶奪了富婆的家，但事敗失手，當他的黨羽逃走想殺死看家的丈夫的時候，TsoTsi或者覺得自己欠這個家庭很多，就開槍殺了他的同伴。之後他再求女人幫他的忙餵養嬰孩(這次沒有用槍)，他開始被女人說服而心軟，最後他將嬰孩交回給親生父母。

此片與彭浩翔最新作《Isabella》都有一個主題─贖罪，馬振成要贖的是他貪污與拋妻棄女的罪，TsoTsi贖的是他作為流氓搶劫殺人的罪；馬振成遇上他的女兒(至少她以為是)後，獲得了女兒的關懷與支持，所以決定自首投誠，TsoTsi則遇上了純潔的嬰孩，憶起了自己的歷程，之後亦都是自首投誠。我自己認為《Isabella》在2片之中比較出色，有幾個原因：Isabella的馬振成與張碧欣是有血緣關係，所以轉變的過程是自然的，由當初的抗拒，到之後一起找不見了的小狗，那種過渡是自然的。但TsoTsi的轉變是有一個突兀的感覺，至少他尾隨乞丐的戲，大家都以為他是會殺人的，但最後TsoTsi竟然表現出同情，就比較令觀眾難以接受。

Isabella在編劇上也見一功，彭浩翔在片中安排了幾個線索給觀眾去揣測角色之間的歷程，例如在片中安排了到醫院墮胎的戲，大家都以為欣是成的女兒，但最後親生父親出場，再播出在醫院之後的戲去解釋觀眾的疑惑，甚至是片尾，流在欣襯衣上的血蹟，都有一些空間給觀眾聯想，TsoTsi也有安排這些的線索，例如是他對乞丐提起見過一隻跛了腳的狗，又或者是他自己的名字，都是一些線索，不過就比較明顯，觀眾的詫異度是沒有Isabella的大。

最後，就是場面的交待，Isabella可以在沒有對白的場景下，恰如其分地交待劇情，例如墮胎戲，欣重遇她的小狗，這些場面，金培達的配樂就派上用場，將觀眾的情緒控制住，也難怪他能在柏林拿這個音樂像。TsoTsi的配樂主要是一種叫"kwaito"的音樂，是一種南非的Hip Hop，所以節奏強勁，主要是交待TsoTsi的流氓身份，與他的歷程的配樂我可沒有什麼印象。

又可能是語言以及文化，我覺得Isabella比較好及親切，但TsoTsi其實也是一部好片，不過有一點就不批評不可，就是影片推進速度過慢，我講得出的例子就是TsoTsi跟蹤乞丐的戲，及最後的交還嬰孩戲，都給我一種Drag的感覺。

影評 - 林海峰是但up發花癲

林海峰係一個我欣賞既香港DJ，記得當年返左香港做野個陣，朝朝早我係用個收音機黎做鬧鐘既，不過我個陣冇留意我set左去邊個台，我每朝一路換衫一路聽呢個晨早節目，覺得講野個個人D point係有紋有路，係有幽默感既，而個種幽默感並唔係話好似而家杜文澤sell既個種灰諧，又或者係I love u boyz個種.....低B式攪笑，係真係有料既幽默感。

當然，我係抱住期望去睇既，期望佢可以畀到我同黃子華棟篤笑個種滿足感，但係開左場15分鐘我就知出事喇，因為我笑都冇笑過下。後尾直頭係我訓係張床度(係，我係電腦play緊)完全唔睇mon咁樣聽，係冇乜心機聽個隻。問題係邊呢？

首先講攪笑方面，太多既冷笑話喇，又或者阿Jan唔識得發揮某一D既笑料，另外，你亦見到佢既笑料唔會用太多時間黎編排，基本上係好直接既，係呢一句就係呢一句。黃子華講棟篤笑既能力就在於佢可以用15分鐘黎編排一個笑話，又或者可以係成個棟篤笑都可以圍繞住3-4個互不相關既Topic發揮，而佢甚至係可以言以有物，係真係有野，有message想講，我最鍾意既秋後算帳係一個好例子，拾下拾下拾年楝篤笑都可以做到呢樣野，最近既冇炭用就挖苦人(董健華)多，message就少左。但阿Jan呢個就真係冇位可以畀人思考發揮，你同彭羚同你個女既事可以令我有咩啟發？

我其實唔太鍾意佢講太多私人野既，講佢同彭羚同埋佢個女D野，不過呢點我相信有人會唔認同。我覺得係演唱會講自己野(例如許志安講鄭秀文)，都其實係「無料到」既表現，你有料唱歌就唔洗跳舞啦，就唔洗攪性感dancer啦，就唔洗攪舞台效果啦，你想轉移視線對我黎講係冇用既。黃子華係唔會講太私人既野，就算講，你都好肯定佢係度講笑，係度自嘲，而林海峰今次既私人野係唔好笑既，我明白係有感而發，不過冇攪笑效果。

我諗阿Jan都係比較適合每年係叱吒講下D男歌手女歌手，因為佢熟行D，呢個Show絕對稱不上係棟篤笑，不過，佢自己亦都冇標榜係棟篤笑，或者係有自知之明啦，呢個係真真正正既「是但up發花癲」，原來佢冇改錯名。

伊沙貝拉

send email去叫人同我去睇呢套伊沙貝拉，有人問我邊個做架？我答佢話係Chapman To 同 Isabella (返緊工，梗係打唔到中文要打英文啦)，佢問我Chapman To係邊個，我答"Silly Keung From Infernal Affairs" ，佢就話唔想睇喇。

我都明而家太多杜文澤實在係有D反感既，例如電影頒獎典禮可以唔記得頒獎嘉賓仲笑得出，就真係過分啦！不過我仲會畀機會畀下人既，我都唔鍾意占基利架，不過佢做既無痛失戀又的確係好喎。

杜文澤今次正正經經做，叫做得唔錯架喇，Isabella就生硬囉，同埋我唔鍾意佢把聲，不過整套戲個氣氛唔錯，表現到杜文澤個種對以前情人個種追悔，同埋一個男人最後要承擔責任個種胸襟。好明顯地，彭浩翔係想將杜文澤攪大人個肚，同埋幾十年後佢貪污既事係呢套戲入面串埋，十幾年佢不負責任咁樣離棄佢既情人，到之後遇上一個以為佢係生父既女仔，明白到負責任呢個道理，去自首。故事其實留低左一個伏筆，就係杜文澤去完法院後留係佢個女件衫上面既污漬，係咪代表佢都有肺癌呢？同佢舊情人一樣有肺癌？呢個故事就冇交待到，留畀觀眾去發揮。

呢套片係柏林影展得到配樂獎，如果大家留心一下，好多故事場景都係演員無對白，只係靠畫面同埋音樂去交待劇情同埋人物心態(例如，搵返狗仔一幕)，金培達今次能夠衝出香港，實在係值得慶賀。

香港電影頒獎禮

作為一個電影愛好者，獎就頒完喇，總有D野講既

基本上大獎就真係好易估，黑社會真係完全冇對手，男主角黎講梁家輝總比演極都係木口木面既任達華好，女主角唔多識評，因為只睇過如果?愛，但我對愛情片一向都唔係咁敏感。

全晚最令人詫異既係周杰倫同黃秋生！
周杰倫.....係度扮渣車ja喎？全無演技可言
黃秋生唔係話唔好戲，不過呢套佢就造作左D，我就鍾意智叔喇。

另外嘛，一向我都唔鍾意睇頒獎禮，因為D人真係唔識講野既，你唔識講野咪夾下囉，做下準備囉，唔做準備個D就真係仆街黎既。
有D就有準備，不過就係低能地攪gag，只係識串人、講人地私生活。
八婆吳君如就不知所謂，你而家唔係做你個低能電台節目呀，你而家出緊大場面架，檢點D啦。

唯一出到大場面既咪劉德華同DoDo姐囉，同埋....蔡琴。
你諗下，佢地都係40幾50，而家D後生真係冇個掂，真係香港社會既倒影。

實驗是檢驗真理的唯一標準 (二)

什麼是人性？

人性就是自私自利，殺人比傷人賠償更加少，你殺定唔殺？

-----------------------------------------------------------

房 車 來 回 5 次 輾 斃 被 撞 婦

浙 江 台 州 市 一 名 老 婦 在 屋 苑 內 散 步 ， 遭 一 輛 私 家 車 撞 倒 。 司 機 竟 五 度 開 車 來 回 輾 壓 老婦 身 軀 ， 將 她 活 活 輾 斃 ， 過 程 被 附 近 裝 設 的 閉 路 電 視 拍 下 。 公 安 不 排 除 控 告 肇 事 司機 故 意 殺 人 。死 亡 賠 償 少 過 傷 殘 事 發 於 周 二 上 午 八 時 許 ， 台 州 市 黃 巖 區 雙 江 丹 桂 花 苑 住 客陳 冬 香 ， 如 常 在 屋 苑 內 散 步 ， 行 至 屋 苑 閘 門 前 ， 突 然 被 一 輛 正 在 倒 車 的 私 家 車 撞 倒。 當 時 ， 司 機 煞 停 汽 車 數 秒 ， 但 未 下 車 察 看 ， 之 後 更 開 車 來 回 輾 壓 陳 冬 香 的 身 軀 五次 。 陳 冬 香 手 臂 被 輾 至 粉 碎 ， 胸 骨 全 部 斷 裂 ， 當 場 死 亡 。 事 發 後 ， 陸 續 有 街 坊 將 現場 圍 起 來 。 此 時 ， 司 機 才 下 車 用 手 摸 摸 陳 冬 香 ， 約 三 分 鐘 後 才 報 警 。屋 苑 門 口 的 一 部 閉 路 電 視 鏡 頭 ， 拍 下 了 當 日 車 禍 發 生 的 經 過 。 陳 冬 香 家 人 看 過 片 段 後 ， 直指 四 十 二 歲 、 姓 趙 的 肇 事 司 機 ， 是 故 意 將 陳 輾 死 ： 「 如 果 第 一 次 被 撞 倒 了 ， 司 機 就下 車 救 人 ， 也 許 老 人 還 有 救 。 」內 地 法 律 規 定 ， 肇 事 司 機 除 要 承 擔 刑 責 外 ，還 要 向 受 害 人 賠 償 ， 但 支 付 死 亡 補 償 ， 往 往 比 支 付 殘 疾 者 生 活 費 為 少 ， 早 前 已 有 司機 肇 事 後 索 性 將 傷 者 輾 死 。

瘦

2005年12月31號我同朋友去左Port Stephens玩，咁當然會講下2006大計係咩，大致上，同行既5個人都話要減肥，我係費時畀人話標奇立異既情況下當然扮附和啦，當然，到而家我都唔諗住減：家鄉雞照食、薯片、汽水通殺，人生苦短，就算長命你老左，牙又冇，又行唔到，想食都冇得食，不如及時行樂？

Harry Potter作者係以下既訪問就提到呢句：

"I'd rather they were independent, interesting, idealistic, kind, opinionated, original, funny - a thousand things, before 'thin'.

http://www.smh.com.au/news/people/rowlings-rant-over-skinny-image/2006/04/06/1143916628539.html

我就絕對認同，同而家D後生傾計真係悶到嘔，乜野都冇意見，乜野都係好似工廠倒模既對答，呢D我叫做Idle Talk，係我最憎最憎既野。

我已經不止一次可以搵到人認同我對而家大部份年青人既睇法，就係膚淺、冇主見、盲目附和、反智、物質主義、眼光狹窄，不過講又點丫，佢地都係鍾意去減肥、搵錢，我呢D人真係自己on 9算lu~

泰國選舉

他信家族因為售賣資產不當而令人民不滿，反對黨策動既投白票策略獲得左成功，他信終於落台。

問題黎喇：點解有一個全民選舉制度，唔堂堂正正咁選舉決定，而要攪投白票呢D小動作？

原因就係大部分既泰國人係農民，佢地係利益既得者，佢地受過他信的政策恩惠，而又對政治、或者他信家族貪污不甚了解，變左對政治了解既白領唔可以以一個公正既方式嬴呢場選舉，最後，為左表達對他信既不信任，要用投白票咪表達不滿。

由呢個事件可以見到，一人一票去選舉國家元首，呢個咁大行其道，咁根深柢固既概念一樣有佢既弊病，就係當絕大部分選民都係未受教育既話，好多時就會得到錯誤既選擇。

其實民主可以有其他既選舉方法，例如以IQ黎決定投票既票數，你IQ愈高，愈聰明，就可以投3票，IQ低咪投1票或者唔畀佢投票。
又或者以年齡黎決定，50歲以上，人生閱歷廣，可以投3票，20歲以下半票又得。
又或者以年薪或者一年收入黎決定，你賺得錢多，應該都代表聰明丫，年薪3百萬以上3票，唔夠1萬？唔畀你投！

你可能覺得我講笑，但其實呢D選舉方法係絕對可行既，不過理論上行得通，唔代表實際行得通，實際上，假如你將票源集中係某一個階層上，你貪污就會貪得容易D：IQ高既或者去聯絡大學教職員，高年齡既就去老人院派錢，有錢既話咪去Golf Club度派錢派女人囉，呢個就係點解以上，又或者任何分階層既投票方式唔work既原因。

我成日講有Benefit一定有Cost，容許人一人一票，代價就係愚民有同聰明人一樣既權力，你選既元首聰明有限，你睇下美國而家個個咪知囉。

讓騙案繼續吧 - 小龍女/八年十班

【明報專訊】
讓騙案繼續吧　

儘管《警訊》每個禮拜提醒市民小心祈福黨、補藥黨，騙案還是不斷發生。多數人這時會舉起夾?菜心的筷子，指?電視的阿婆︰「唔係咁蠢呀﹖咁都信﹗」　 從來不覺得那些受害人因愚蠢而被騙，他們只是有點性格缺陷，就是不夠敏感，太容易相信人，不論是熟人或陌生人，因為他們根本無想過有人會向他們使詐。雖然歹徒不會盯上我這個餐搵餐食餐餐清的，但有?同樣的性格缺陷，我也挺明白受害人的處境。　 記得中四養了一對金毛鼠，有天發現一隻爬到另一隻背上，神色卻很凝重，於是叫了爸媽過來︰「你看牠們玩什麼，爬上去，卻一動不動﹗」爸媽看了看，說「牠們在玩騎膊馬」，就走開了。　直至8年後的一天，電視播?老鼠紀錄片，講傳宗接代，突然靈光一閃，啊﹗原來8年前我的金毛鼠在交配﹗醒覺的一刻，笑了半天。　 如果別人眼中這叫做愚蠢遲鈍，我願意蠢下去，也不想失去這「探索」的情趣。要是當天一眼看出牠們在交配，今天就不會有「叮一聲」的滿足感。　

有位朋友自詡閱歷豐富、相人99.9%準確（雖然年紀只大我一點點），她的使命彷彿就是讓所有人明白世途有多險惡、現實有多殘酷、人類有多奸詐。她每天苦口婆心的替人（或替這世界）分析，甲的說話背後有多陰險，乙的行為露出幾分之幾狐狸尾巴，丙的腳步聲怎樣不懷好意……她對我的忠告是﹕不要人講乜就信乜，要保護自己。　雖然有些人視「看透」別人為成就，「拆穿」別人為人生目標，樂此不疲，我卻慶幸自己沒有事事分析、字字鑽研的本領。其實也怕受騙，只是，如果要活在人性的陰暗面，事事向最壞處想，整天提防?別人，每個交談都要解拆字?行間的陰謀，我寧願不做「叻人」，就算代價是遇上祈福黨。　

小龍女/八年十班

反智的....Gamer

今日無意中發現GameFaqs.com個版頭變左以上呢一個，佢話

There's a reason they call it "Cheating"
This website has been permanently shut down by court order because it facilitates the use of cheat codes and walkthroughs in video games. Using cheat codes or walkthroughs may seem like a "victimless" crime, but that's far from the truth. Think of the game designers who spend hundreds of hours creating puzzles, enemies and challenges in a game, only to have them skipped over by someone looking for the easy way out. You're not just cheating the game, you're cheating the developers, the designers, the producers, and most of all, yourself.

當然，呢個只係4月1號愚人節Gamefaqs同大家玩既一個玩笑(留意澳洲4月2號上晝個陣，美國都仲係4月1號)，不過唔多唔少，呢番話係Serious Gamer既一D不滿，就係而家資訊發達，攻略垂手可得，好多人都唔欣賞遊戲入面既橋、故事、敵人，只係為左完成遊戲，睇CG，睇爆機畫面。我唔係話攻略唔睇得，cheatcode唔用得，不過唔好一開波，腦都未用過，對白都唔睇，咩都唔理就睇攻略，人地咁辛苦諗個故仔出黎，唔係畀你咁樣糟蹋法既。

另一種唔用腦既表現係唔睇說明書，上去遊戲Newsgroup就最多人問D白痴既command問題：咩掣轉槍？咩掣轉魔法？喂，大佬，說明書有講呀哇呢D？不過而家D人買Game多數都係download，冇說明書唔出奇既......

上年Nintendo話要推出新世代主機Revolution個陣，聲稱而家遊戲只係比拚畫面，對遊戲性根本唔著重，我真係好認同，Final Fantasy，7代之後就變左睇CG，已經冇玩喇，FIFA足球，已經完全畀Winning Eleven畀落去，三國誌系列一蟹不如一蟹，始終都係三國誌三同四最好玩，所以而家Nintendo話新世代主機唔同PS3同XBox比畫面，而發展一個新既手掣黎玩遊戲，就好似DS咁開發Touchscreen咁樣，呢D都係健康既表現。Revolution我應該會買返部既......